წვიმამ, რომელიც თესალონიკს დღეს დაატყდა თავს და დაახლოებით ნახევარი საათის მანძილზე არ გაჩერებულა, სერიოზული პრობლემები შექმნა რამდენიმე უბანში. რამდენიმე წუთში ქუჩები და გზები მდინარეებად იქცა, ხოლო მაღაზიების მფლობელები ამ დროისთვის ზარალს ითვლიან.
ამას გარდა, მეხი ჩამოვარდა ერთ-ერთ კორპუსზე, სადაც საჭირო გახდა სახანძრო-სამაშველო სამსახურის მობილიზება. შენობას მხოლოდ და მხოლოდ მატერიალური ზიანი მიადგა, თუმცა, არავინ დაშავებულა.
