ვაქცინაცია კორონავირუსზე საბერძნეთში საკმაოდ სწრაფი ტემპით მიმდინარეობს. ბოლო 24 საათში ქვეყანაში ვაქცინა 14.156 ადამიანს გაუკეთდა.
emvolio.gov.gr-ზე გამოქვეყნებული მონაცემების მიხედვით, უკვე ვაქცინირებულია საბერძნეთის მოსახლეობის 1%. საუბარია პირველ დოზაზე მაინც.
ამ პროცესის დაწყებიდან, ანუ 28 დეკემბრიდან, საერთო ჯამში ჩატარდა 107.335 ადამიანის ვაქცინაცია.
105.700 ადამიანს გაკეთებული აქვს კორონავირუსის საწინააღმდეგო ვაქცინის 1 დოზა მაინც.
20 იანვრიდან მუშაობა დაიწყო ვაქცინაციის კიდევ 144-მა ახალმა ცენტრმა და ჯანმრთელობის 65-მა ცენტრმა. პარალელურად, თესალონიკსა და ათენში მზადებაშია კიდევ ოთხი ახალი ცენტრი, რომელიც საკმაოდ დიდი იქნება და ყოველდღიურად 20.000 მოქალაქეს მოემსახურება.
