საბერძნეთში კლიმატური ფენომენის გააქტიურებამ რამდენიმე რეგიონში კატასტროფული შედეგები მოიტანა. როდოპში ხალხი სახლების გარეშეა დარჩენილი და ისინი ღამეებს მეჩეთსა და სკოლის შენობებში ათევენ.
წყალმა დაფარა თითქმის ყველაფერი, შევარდა სახლებში და 1 მეტრსაც კი მიაღწია. შესაბამისად, დატბორილი ბინები საცხოვრებლად უვარგისი გახდა. ცხადია, საჭირო გახდა მაშველების ჩარევა, რათა ზოგიერთ ტერიტორიაზე გამომწყვდეული ხალხი სამშვიდობოს გამოეყვანათ.
როგორც ადგილობრივები აცხადებენ, ასეთი რამ 2007 წლის შემდეგ არ ახსოვთ.
