პრემიერ-მინისტრის გადაწყვეტილებით, საბერძნეთი რუსულ გაზზე უარს ამბობს. მიცოტაკიმ გამართა შეხვედრა, რომლის ფარგლებშიც განაცხადა, რომ საბერძნეთი მაქსიმალურად შეეცდება შეამციროს დამოკიდებულება რუსულ ენერგომატარებლებზე და მისი მიზანია, გახდეს ევროპის ენერგეტიკული ცენტრი.
“დღეს ვაცხადებთ, რომ ჩქარდება ბუნებრივი აირის მოპოვების სამუშაოები და ჩვენ ვიცით, რომ საბერძნეთში ეს ყველაფერი შესაძლებელია, ხაზს ვუსვამ, რომ არ ვართ დარწმუნებულები, მაგრამ გამოვთქვამთ საფუძვლიან ვარაუდს, რომ გვაქვს მნიშვნელოვანი რაოდენობის ბუნებრივი აირი, როგორც საზღვაო, ასევე სახმელეთო ტერიტორიაზე.
ამ ახალ ენერგეტიკულ გარემოში ჩვენ შევამცირებთ რუსულ გაზზე დამოკიდებულებას და ეს იქნება გარანტია, ერთის მხრივ, საკმარისი ენერგეტიკული სიმძლავრის და მეორეს მხრივ, სტაბილური და უკეთესი ფასებისა. ეს ახლა ჩვენი სამშობლოსთვის ერთადერთი გზაა.
რუსეთის შეჭრამ უკრაინაში და ამის შემდგომმა საერთაშორისო ენერგეტიკულმა კრიზისმა ყველა ჩვენგანის ცხოვრებაში საკმაოდ სერიოზული გაურკვევლობა შემოიტანა. საკმაოდ სერიოზული ტვირთად დაგვაწვა ტარიფების ზრდა, როგორც ენერგეტიკულ რესურსებზე, ასევე ძირითად პროდუქტებზე, რაც აისახა ოჯახებისა და ბიზნესის შემოსავალზე. ეს ყველაფერი აჩენს ევროპის ეკონომიკის აღდგენის გადაუდებელ საჭიროებას,” აცხადებს მიცოტაკი.
შეგახსენებთ, რომ რუსულ გაზზე უარი უკვე თქვეს დიდმა ბრიტანეთმა, გერმანიამ, ლიეტუვამ და დანიამ.
