დღეიდან საბერძნეთში მაღაზიების მუშაობის განრიგი იცვლება – ნახეთ დეტალები
დღეიდან საბერძნეთში საცალო მაღაზიების მუშაობის განრიგი იცვლება. როგორც უკვე ცნობილია, ამ დრომდე მაღაზიები მუშაობას დილის 10:00 საათიდან იწყებდნენ, პანდემიის წინააღმდეგ მიღებული ზომებიდან გამომდინარე.
ირკვევა, რომ დღეიდან, 28 თებერვლიდან მაღაზიები 09:00 საათზე გაიხსნება და 21:00 საათამდე იმუშავებენ, ორშაბათიდან პარასკევის ჩათვლით. ცხადია, ეს ზოგადი გრაფიკია, ვინაიდან ზოგიერთი მაღაზია ორშაბათსა და ოთხშაბათს გაცილებით ადრე იკეტება.
შაბათს კი სამუშაო გრაფიკი 09:00 საათიდან 20:00 საათამდე განისაზღვრება.
ათენის სავაჭრო ასოციაციის წარმომადგენლობა აცხადებს, რომ სურთ, მოიხსნას ვაჭრობასთან დაკავშირებული ყველა შეზღუდვა, ვინაიდან პანდემიის აფეთქების პერიოდიდან მოყოლებული ამ სფერომ დაამტკიცა, რომ თავისი ფუნქციონირებით არ წარმოადგენს საფრთხეს საზოგადოებრივი ჯანმრთელობისთვის.