ათენი: ამერიკის ელჩის სახლთან საეჭვო პაკეტი აღმოაჩინეს

მას შემდეგ, რაც საბერძნეთში ამერიკის ელჩის, ჯეფრი პაიატის სახლთან ახლოს მდგარ სანაგვე ყუთთან საეჭვო პაკეტი იპოვეს, საბერძნეთის პოლიციამ აღნიშნული ტერიტორია შემოღობა. პაიატი ელენა ვენიზელუს სკვერთან, პანაგი კირიაკუს ქუჩაზე ცხოვრობს.

ადგილზე მობილიზებული იყო გამნაღმველთა ჯგუფი, რათა პაკეტი შეესწავლათ. ამერიკის ელჩი მიმდინარე დღეებში კუნძულ ლესვოსზე ლტოლვილთა რამდენიმე ბანაკს სტუმრობს.