დამოუკიდებლბის დღესთან, 26 მაისთან დაკავშირებით თესალონიკში რამდენიმე ღონისძიება იგეგმება, ეს იქნება ღია და საჯარო ღონისძიებები, რომლებზე დასწრებაც თითოეულ მსურველს შეეძლება.
საქართველოს დამოუკიდებლობის დღე თესალონიკში შემდეგი ღონისძიებებით იქნება აღნიშნული:
10.00 სთ-დან სანაპიროზე, ალექსანდრე მაკედონელის ძეგლის მიმდებარე ტერიტორიაზე, გაიხსნება ქართული სტენდი, სადაც დიასპორის წარმომადგენლები გამოფენენ თავიანთ ნამუშევრებს;
თესალონიკში არსებული ქართული ცეკვის ანსამბლები წარმოადგენენ სხვადასხვა ქორეოგრაფიულ ნომრებს;
21.00 სთ-ზე ეროვნული ჰიმნის ფონზე საქართველოს დროშის ფერებში განათდება თესალონიკის მერია, რის შემდეგაც მერიის ღია ამფითეატრში გაიმართება ანსამბლ „Q VIOLINS“-ის და „MARIANNA G“-ს კონცერტი.
საქართველოს გენერალური საკონსულო თესალონიკში ეპატიჟება ყველას!
ერთად აღვნიშნოთ საქართველოს დამოუკიდებლობის დღე! დღე, რომელიც თითოეულ ქართველს გვეკუთვნის!
