ხვალიდან, 22 ნოემბრიდან, საბერძნეთში ამინდი იცვლება და დღევანდელი სიცხის შემდეგ, წვიმა და ძლიერი ქარი გველის.
კერძოდ, ხვალიდან ძლიერი წვიმა ძირითადად მოსალოდნელია დასავლეთ საბერძნეთში და შუადღიდან ფენომენი გავრცელდება სპორადესის, ჩრდილო-აღმოსავლეთ ეგეოსისა და კრეტას ტერიტორიებზე.
ნალექს თან ახლდება ძლიერი ქარი ქვეყნის დასავლეთ ნაწილში და ჩრდილოეთ ეგეოსის ზღვაზე. ამას გარდა, იონიის კუნძულებზე მოსალოდნელია პერიოდული სეტყვაც.
ტემპერატურა დასავლეთ მაკედონიაში იმერყევებს -2-დან 13 გრადუსამდე, დანარჩენ ჩრდილოეთ საბერძნეთში 0-დან 18 გრადუსამდე, ეპირუსში 2-დან 17 გრადუსამდე, თესალიაში 2-დან 18 გრადუსამდე, იონიის კუნძულებზე 8-დან 17 გრადუსამდე, კრეტაზე კი 5-დან 20 გრადუსამდე.
ატიკაში მოსალოდნელია ცვალებადი მოღრუბლულობა, შესაძლოა შუადღის შემდეგ ვიხილოთ ნალექიც. დილის საათებში ხილვადობა ზოგიერთ ტერიტორიაზე შეზღუდული იქნება. ჰაერი 11-დან 18 გრადუსამდე გათბება.
თესალონიკშიც ასევე მოსალოდნელია ღრუბლიანობა, რომელიც თანდათან მოიმატებს და დღის მეორე ნახევარში მოსალოდნელია პერიოდული წვიმები. დილით ადრე და ღამით ხილვადობა შეზღუდული იქნება. ტემპერატურა ქალაქის ცენტრში 7-დან 15 გრადუსამე იმერყევებს.
