საბერძნეთის პრემიერის, კირიაკოს მიცოტაკის განცხადებით, 10 ოქტომბრიდან ათენის მეტროში მნიშვნელოვანი ცვლილებები გველის – იხსნება გაფართოვებული ხაზის ახალი სადგურები!
კერძოდ, როგორც პრემიერმა განაცხადა, ორშაბათიდან პირეაზე მეტრო იხსნება და ამუშავდება სამი ახალი სადგური. ეს ავტომატურად ნიშნავს იმას, რომ ათენის საერთაშორისო აეროპორტი და ქვეყნის ყველაზე დიდი პორტი ერთმანეთს მეტროთი დაუკავშირდება და მანძილის დაფარვა შესაძლებელი იქნება უმოკლეს დროში, 55 წუთში.
საუბარია შემდეგ სადგურებზე: “მანიატიკა”, “პირეას”, “დიმოტიკო თეატრო”. აღნიშნული გაფართოვების შედეგად მეტრო დამატებით 132.000 ადამიანის მომსახურებას შეძლებს.
