ეროვნული მეტეოროლოგიური სამსახურის ინფორმაციით, საბერძნეთში კვირის ბოლომდე განსაკუთრებით მაღალი ტემპერატურაა მოსალოდნელი. ზოგადად, მეცნიერთა დაკვირვებების მიხედვით, წელს ქვეყანაში ცხელი ზაფხული გველის, რომელსაც თან ინტენსიური წვიმები მოჰყვება.
კერძოდ, ხვალიდან, 30 ივნისიდან საბერძნეთში ტემპერატურა კიდევ უფრო აიწევს. დღეს დაფიქსირდა 38 გრადუსიც კი თესალიაში.
რაც შეეხება ატიკის რეგიონს, მთელი კვირის მანძილზე უმეტესად მზიანი ამინდები და ძლიერი სიცხეა მოსალოდნელი, ჰაერი კი 36 გრადუსამდე გათბება.
თესალონიკში შესაძლოა შეინიშნებოდეს მცირე პერიოდული მოღრუბლულობა, თუმცა, აქ 20-დან 36 გრადუსამდეა ნავარაუდევი.
