ბერძნული მედიის საშუალებით აღნიშნული თაღლითობის მსხვერპლი ადამიანები ჰყვებიან. როგორც ირკვევა, კონკრეტულმა პირებმა მარტივად შეიძლება გატეხონ თქვენი ფეისბუქ გვერდი და თქვენს მეგობრებს თქვენივე სახელით ფულის გადარიცხვა სთხოვონ.
ასეთი შემთხვევის შესახებ პირველად ლამიელმა ქალმა ისაუბრა, რომელიც მაკლერად მუშაობს. მისი ფეისბუქით თაღლითებმა თანხა მის ახლობლებს გამოსძალეს.
კონკრეტულად, ისინი სხვებს წერენ, რომ დაკარგეთ საფულე და ბანკის ბარათი, რის გამოც სრულიად უფულოდ დარჩით და დახმარებას ითხოვთ.
როგორც ირკვევა, დამნაშავეები ბერძნულ ენაზე ახდენენ კომუნიკაციას, თუმცა, პოლიცია არ გამორიცხავს მათ მიერ ხალხის ეროვნებაზე დაკვირვებასა და ამის მიხედვით მოქმედებას.
