ბერძნული მედიის ინფორმაციით, დღეს საღამოს საათებიდან საბერძნეთში ამინდის გაუარესებაა მოსალოდნელი. ნავარაუდევია ნალექი წვიმის სახით, რასაც თან დაერთვება ძლიერი ჭექა-ქუხილი.
კერძოდ, ფენომენი განსაკუთრებით აქტიური იქნება ეპირუსში, დასავლეთ და ცენტრალურ მაკედონიაში, მთიან და ნახევრადმთიან რეგიონებში. ასევე, პელოპონისოში.
ჩრდილოეთ საბერძნეთში მოსალოდნელია 15-დან 30 გრადუსამდე, ცენტრალურ და სამხრეთ საბერძნეთში – 17-დან 32 გრადუსამდე, დასავლეთში კი 16-დან 32 გრადუსამდე.
ატიკაში ნავარაუდევია უმეტესად მზიანი ამინდი, ჰაერი 21-დან 32 გრადუსამდე გათბება.
რაც შეეხება თესალონიკს, მოსალოდნელია მზიანი ამინდი, თუმცა, პერიოდულად მცირე მოღრუბლულობა. ტემპერატურა 19-დან 28 გრადუსამდე იმერყევებს. მთიან რეგიონებში მოსალოდნელია წვიმა და ჭექა-ქუხილი.
