საბერძნეთში შაბათ-კვირას ტემპერატურა საგრძნობლად მოიმატებს – ჰაერი 24 გრადუსამდე გათბება
ნალექიანი დღეების შემდეგ, როგორც ჩანს, საბერძნეთში 25 მარტს მზიანი ამინდით შევხვდებით. ეროვნული მეტეოროლოგიური სამსახურის ინფორმაციით, ამინდი ხვალიდან გაუმჯობესდება და პარასკევიდან კვირის ჩათვლით ზოგიერთ რეგიონში ჰაერი 23-24 გრადუსამდე გათბება.
დღეს, ხუთშაბათს, მცირე ნალექი მოსალოდნელია სამხრეთ საბერძნეთში, თუმცა, ხვალიდან შესუსტდება და გამოიდარებს.
შაბათ-კვირას, როგორც უკვე აღვნიშნეთ, სეზონისთვის დამახასიათებელზე უკეთესი ამინდი იქნება, ხოლო ზღვის ტერიტორიაზე ქარის ძალა 5-6 ბალს არ გადააჭარბებს.
სინოპტიკოსი კლერახოს მარუსაკი გვპირდება, რომ საბერძნეთის უმეტეს ტერიტორიებზე ჰაერის ტემპერატურა 20 გრადუსს გადააჭარბებს, რაც შეეხება კონკრეტულად ათენს, ჰაერი 15-დან 18 გრადუსამდე იმერყევებს.