საბერძნეთის პოლიციამ სპეციალური ოპერაცია, “სკუპა”, ამჯერად თესალონიკში ჩაატარა. ქალაქის ცენტრში საერთო ჯამში 158 ადამიანი შეამოწმეს, რომელთაგან რამდენიმე დააკავეს.
გავრცელებული ინფორმაციით, დაკავებულთაგან ქვეყანაში არალეგალურად ცხოვრების ბრალდება მხოლოდ 3 მათგანს აქვს.
ამასთანავე, დააპატიმრეს 3 ბერძენი ქალი ნარკოტიკებით ვაჭრობის ბრალდებით. მათ საკუთრებაში აღმოაჩინეს 171 გრამი ჰეროინი.
სხვა დაკავებულებს, დაახლოებით 14 პირს, ქურდობისა და ყაჩაღობის ბრალდება აქვთ.
პოლიცია აქტიურ მუშაობას აგრძელებს კრიმინალის აღსაკვეთად.
