როგორც ჩანს, საბერძნეთის პარლამენტი მომდევნო სამი დღის მანძილზე მწვავე პოლიტიკური დაპირისპირების ველი იქნება, მას შემდეგ, რაც ალექსის ციპრამ გაბედული ნაბიჯი გადადგა და დღის წესრიგში კენჭისყრის საკითხი დააყენა.
საუბარია ინიციატივაზე, რომლის მიხედვითაც, პარლამენტის წევრებმა კენჭი უნდა უყარონ, მხარი დაუჭირონ ან შეეწინააღმდეგონ საბერძნეთის მოქმედ მთავრობას, შესაბამისად, თუ ხმათა უმრავლესობით, მისდამი უნდობლობა გამოიხატება, არჩევნები დაინიშნება.
ΣΥΡΥΖΑ-ს მიერ მომზადებულ განცხადებაში ნათქვამია, რომ კირიაკოს მიცოტაკის მთავრობა თანმიმდევრული კრიზისების დროს მოსახლეობისთვის სახიფათო და არაეფექტური გამოდგა. აღნიშნულია, რომ პანდემიას საბერძნეთში 22.970 ადამიანი შეეწირა, ხოლო მთავრობა არ მიიჩნევს საჭიროდ ჯანდაცვის სისტემის გაძლიერებას და ექიმებისა და ექთნების მხარდაჭერას, რომლებიც ყოველდღიურად ებრძვიან ვირუსს.
განცხადების მიხედვით, საბერძნეთის მოსახლეობა კარგავს შემოსავლის დიდ ნაწილს გადასახადებში, ენერგეტიკისა და ძირითადი საქონლის სიზუსტის უკონტროლობის გამო.
ციპრა მოქმედი მთავრობის მმართველობას აღვირახსნილს უწოდებს, რომლის ფარგლებშიც კნინდება კანონის უზენაესობა და თითოეული ნაბიჯი ეგოისტურ გადაწყვეტილებებს ეფუძნება, რომელიც არ ემსახურება საზოგადოებრივ ინტერესებს. ყველა ამ მიზეზის გამო, ΣΥΡΥΖΑ მიცოტაკის მთავრობის მიმართ ნდობას ეჭვის ქვეშ აყენებს და კენჭისყრას ითხოვს.
