რა ძალა აქვს საქართველოს პასპორტს? – ნახეთ გლობალური რეიტინგი
გლობალურ რეიტინგში ქართული პასპორტი თურქეთის, სომხეთის, აზერბაიჯანის და კიდევ 152 ქვეყნის პასპორტებს უსწრებს.
passportindex.org-ის მონაცემებით, საქართველოს პასპორტი 110 ქვეყანას შორის 50–ე ადგილს იკავებს და უკეთესი პოზიციები აქვს, ვიდრე მაგალითად, თურქეთს, ყაზახეთს, ბელარუსს და ა.შ.
passportindex.org-ის მონაცემებით, საქართველოს მოქალაქეს უვიზოდ მოგზაურობა 116 ქვეყანაში შეუძლია.
რეიტინგში პირველ ადგილზეა იაპონია, რომლის მოქალაქეები უვიზოდ 193 ქვეყანაში გადაადგილდებიან.
ათეულში ასევე მოხვდნენ – სინგაპური, გერმანია, სამხრეთ კორეა, ფინეთი, იტალია, ლუქსემბურგი, ესპანეთი და ა.შ.
რაც შეეხება მეზობელ ქვეყნებს, რუსეთი რეიტინგში 48-ე ადგილზეა, რომლის მოქალაქეებსაც 118 ქვეყანაში შეუძლიათ უვიზოდ მოგზაურობა. თურქეთი 52-ე ადგილს იკავებს. ამ ქვეყნის მოქალაქეები 111 ქვეყანაში მოგზაურობენ უვიზოდ. 74-ე ადგილზეა აზერბაიჯანი, რომლის მოქალაქეები 68 ქვეყანაში შედიან ვიზის გარეშე. ხოლო, სომხეთი 78-ე ადგილზეა. ამ ქვეყნის მოქალაქეებს 64 ქვეყანაში შეუძლიათ უვიზოდ მიმოსვლა.
აღსანიშნავია, რომ რეიტინგში საქართველოს უსწრებს უკრაინა და ის 35-ე ადგილს იკავებს. უკრაინის მოქალაქეები უვიზოდ 136 ქვეყანაში გადაადგილდებიან.
„ბიზნესპრესნიუსი“ გთავაზობთ ტოპ-10 ქვეყანას, რომელთა მოქალაქეებიც უვიზოდ ყველაზე მეტ ქვეყანაში გადაადგილდებიან:
- 1. იაპონია – 193 ქვეყანა
- 2. სინგაპური – 192 ქვეყანა
- 3. გერმანია – 191 ქვეყანა
- 4. სამხრეთ კორეა – 191 ქვეყანა
- 5. ფინეთი – 190 ქვეყანა
- 6. იტალია – 190 ქვეყანა
- 7. ლუქსემბურგი – 190 ქვეყანა
- 8. ესპანეთი – 190 ქვეყანა
- 9. ავსტრია – 189 ქვეყანა
- 10. დანია – 189 ქვეყანა
passportindex.org-ის მონაცემებით, რეიტინგში ბოლო, 110-ე ადგილს იკავებს ავღანეთის მოქალაქის პასპორტი. ავღანელებს უვიზოდ შეუძლიათ მხოლოდ 26 ქვეყანაში მოგზაურობა. ავღანეთთან ერთად რეიტინგის ბოლოში მოხვდნენ – ერაყი, სირია და პაკისტანი.