მთელი კრეტის მასშტაბით კორონავირუსის 12 შემთხვევა ფიქსირდება. ამ დრომდე რეთიმნოში ინფიცირებული პაციენტი არ ჰყავდათ, თუმცა, როგორც ირკვევა, 58 წლის სასულიერო პირს ვირუსის დიაგნოზი დაუსვეს.
როდესაც მღვდელს სიმპტომები გამოუვლინდა, სპეციალური ტესტი ჩაუტარდა, რომელმაც დადებითი აჩვენა.
ადგილობრივი მედიის ცნობით, ის ჰოსპიტალიზირებულია და მდგომარეობა კრიტიკული არ არის.
ასევე, გუშინ კორონავირუსის დიაგნოზი დაუსვეს 23 წლის გოგონას ირაკლიოში, რომელიც სახლის პირობებში მკურნალობს.
