მომდევნო რამდენიმე საათში საბერძნეთში ამინდი უარესდება და მოსალოდნელია უხვი ნალექი. ეროვნული მეტეოროლოგიური სამსახურის ინფორმაციით, მოსახლეობამ განსაკუთრებული სიფრთხილე უნდა გამოიჩინოს შემდეგ ტერიტორიებზე: იონიის ზღვის კუნძულები, ევია, ეგეოსის ჩრდილოეთი, სპორადესის კუნძულები.
ძლიერი წვიმა ნავარაუდევია ასევე დასავლეთ კრეტაზე, სტერეასა და პელოპონისოში.
იონიისა და ეგეოსის ზღვის კუნძულებზე ქარი გაძლიერდება და 7 ბალს მიაღწევს, რის გამოც ძლიერი ქარისა და წვიმის პირობებში, მოსახლეობამ არააუცილებელი გადაადგილება უნდა შეზღუდოს.
რაც შეეხება ატიკის რეგიონს, წვიმა ღამის საათებშია მოსალოდნელი, ტემპერატურა კი მომდევნო კვირაში 17 გრადუსამდე დაეცემა.
