ბერძენმა სტომატოლოგმა, იანის დენდრიმ, ტელეკომპანია Mega-ზე საბერძნეთის პრემიერის შესახებ ისაუბრა. მან გულწრფელად თქვა, რომ კირიაკის მიცოტაკის მიმართ არასოდეს ჰქონდა კარგი დამოკიდებულება და არ ენდობოდა მას, როგორც პოლიტიკოსს. მიუხედავად ამისა, მისი მოსაზრებები, დღეს, ყველაზე რთულ პერიოდში, რადიკალურად არის შეცვლილი:
“მე არ ვარ არც “ახალი დემოკრატიის” პარტიის წევრი და არც მათი გულშემატკივარი. უბრალოდ ვფიქრობ, რომ აი ამ რთულ ვითარებაში, მიცოტაკიმ იმოქმედა სწრაფად და ეფექტურად. მიიღო სწორი გადაწყვეტილებები უმოკლეს დროში.”
როგორც გაირკვა, მიცოტაკისა და მას შორის სატელეფონო საუბარიც შედგა და როგორც ექიმი ამბობს, პრემიერი ძალიან მეგობრული და ადამიანური იყო.
