დაბლოკილი ატიკა დღეს დილის 06:00 საათიდან – ყველაფერი, რაც დღეიდან არის ძალაში
დღეს დილის 06:00 საათიდან ატიკის რეგიონში მკაცრი კარანტინი ამოქმედდა. ეს ნიშნავს, რომ ისევ ყველაფერი დაიკეტა და შაბათ-კვირას გადაადგილება იკრძალება 18:00 საათიდან. ზომები, რომლებიც მთავრობამ მიიღო, ძალაშია 28 თებერვლამდე, თუკი, რა თქმა უნდა, არ მოხდა მათი კიდევ გაგრძელება.
ნახეთ ყველაფერი, რაც მოქმედებს დღევანდელი დღიდან.
დაკეტილი იქნება:
- მაღაზიები
- სილამაზის სალონები
- ყველა საფეხურის სკოლა
- ეკლესიები
- ესთეტიკური ცენტრები
- ფრჩხილების მოსაწესრიგებელი სალონები
- საბავშვო ბაღები.
ღია იქნება:
- სუპერმარკეტები
- სპეციალური სკოლები
- აფთიაქები
- სურსათის მაღაზიები
- კიოსკები.
აკრძალულია:
გადაადგილება მუნიციპალიტეტიდან მუნიციპალიტეტში. თუმცა, დაიშვება გამონაკლისები:
- სტუდენტებისთვის, რომლებმაც იქირავეს ბინები საკუთარ უნივერსიტეტთან ახლოს ანუ იმ მუნიციპალიტეტში, სადაც სწავლობენ და სურთ საცხოვრებლად იქ გადასვლა. (აღნიშნულს უნდა ადასტურებდნენ ოფიციალურად).
- ჯანმთელობის სერიოზული პრობლემების მქონე ადამიანებისთვის.
- იმ ადამიანებისთვის, რომლებიც გადაადგილდებიან სხვა მუნიციპალიტეტების მიმართულებით, სერიოზული სოციალური ცერემონიის გამო.
- განქორწინებული მშობლებისთვის, რომლებიც მიდიან სხვა მუნიციპალიტეტში, შვილების მოსანახულებლად.
გადაადგილება დაიშვება დღის მანძილზე მხოლოდ 6 მიზეზით, SMS-ის გაგზავნით 13033-ზე.
კვირის დღეებში გადაადგილება აკრძალულია 21:00 საათიდან დილის 05:00 საათამდე, ხოლო შაბათ-კვირას 18:00 საათიდან 05:00 საათამდე, გამონაკლისები დაიშვება სამსახურეობრივი მიზეზით, ჯანმრთელობის მიზეზით, შინაური ცხოველის გასეირნების მიზნით გადაადგილების შემთხვევებში.