ხვალ, სამშაბათს, განსაკუთრებით სახიფათო დღე ხანძრების თვალსაზრისით – სამინისტროს გაფრთხილება
საბერძნეთის სამოქალაქო დაცვის სამინისტრო გაფრთხილებას ავრცელებს ხვალინდელ დღესთან დაკავშირებით.
მიუხედავად იმისა, რომ ქვეყანა უკვე მე-7 დღეა იწვის, არსებობს რეგიონები, სადაც ხვალ, 10 აგვისტოს, ხანძრის გაჩენის მაღალი რისკი არსებობს და მოსახლეობამ განსაკუთრებული სიფრთხილე უნდა გამოიჩინოს.
კერძოდ, საუბარია შემდეგ ტერიტორიებზე:
- ჩრდილოეთ ეგეოსი (იკარია, სამოს)
- სამხრეთ ეგეოსი (როდოს, კარპათოს, კოს, კალიმნოს)
- კრეტა (განსაკუთრებით ლასითი და ირაკლიო)
- იონიის კუნძულები (კეფალონია, ზაკინთოს, ითაკა)
- დასავლეთ საბერძნეთი (ახაია, ილიას)
მოსახლეობამ თავი უნდა შეიკავოს ყველანაირი საქმიანობისგან, რომელმაც შესაძლოა ცეცხლის გაჩენა გამოიწვიოს.