კორონავირუსმა ტელეკომპანია ANT-ის გადაცემას, “Το Πρωινο”, ისევ “დაარტყა”. ყველასთვის ცნობილია, რომ პანდემიის აფეთქების პერიოდში ვირუსი ფეი სკორდას დაუდგინდა და მან სავალდებულო ორკვირიანი იზოლაცია გაიარა.
ამჟერად, კორონავირუსზე ტესტების ჩატარების შედეგად, გადაცემის შემოქმედებითი ჯგუფის რამდენიმე წევრის პასუხი დადებითი ამოვიდა, რის გამოც მიღებულ იქნა გადაწყვეტილება, რომ ხვალ “Το Πρωινο” ეთერში არ გავა.
ფეი სკორდა, გიორგოს ლიაგა და ყველა ის ადამიანი, რომელიც მათთან კონტაქტში შევიდა, ტესტებს იტარებენ და შესაბამისად, მიჰყვებიან პროტოკოლის წესებს.
