კრეტადან, კერძოდ, იერაპეტრადან შოკისმომგვრელი კადრები ვრცელდება. 54 წლის მამაკაცი კლდესთან დგას და იმუქრება, რომ სიცოცხლეს თვითმკვლელობით დაასრულებს. პოლიციის ოფიცრები მასთან მოლაპარაკებას ცდილობენ, რათა დაარწმუნონ, რომ 4 შვილი სრულიად ობლად არ დატოვოს.
54 წლის მამაკაცმა საკუთარი მეუღლე ცივი იარაღით სასტიკად მოკლა. ადგილობრივი საზოგადოება შეძრულია მომხდარით. მათი თქმით, ცოლ-ქმარს შორის დიდი ხნის მანძილზე არსებობდა უთანხმოება, მაგრამ ვერავინ წარმოიდგენდა, რომ ეს ყველაფერი ტრაგედიით დასრულდებოდა.
არსებული ცნობებით, მამაკაცი დილის 08:00 საათზე მივიდა ნაქირავებ ბინაში, სადაც 48 წლის ქალბატონი დროებით ცხოვრობდა და დანით სასიკვდილო ჭრილობები მიაყენა.
