ნავპლიოსა და არგოსის გზაზე ავტოსაგზაო შემთხვევა მოხდა. შედეგად, ახალგაზრდა ქალი დაშავდა და საავადყოფოში გადაიყვანეს.
თუმცა, ქალის გარდა, მანქანაში მცირეწლოვანი ბავშვიც იჯდა, რომელიც ავარიის შემდეგ განუწყვეტლივ ტიროდა. პოლიციელმა, რომელიც შემთხვევის ადგილზე გამოცხადდა, ბავშვი აიყვანა და მის დამშვიდებას გულმოდგინედ ცდილობდა.
პოლიციელისა და ბავშვის კომუნიკაცია იმდენად ამაღელვებელი იყო, რომ ვიდეომ მაშინვე მოიცვა სოციალური ქსელები და საზოგადოებას გული აუჩუყა.
