საბერძნეთის მთავრობის მიერ მიღებული გადაწყვეტილების მიხედვით, ხვალიდან დიდი სავაჭრო ცენრები და მოლები იხსნება. ცხადია, კარგად უნდა იყოს დაცული უსაფრთხოების წესები და პროტოკოლი.
კერძოდ, 24 აპრილიდან სავაჭრო ცენტრები გაიხსნება Click Away-სა და Click Inshop-ის მეთოდებით.
ცხადია, ისევ სავალდებულო იქნება 13032-ზე SMS-ის გაგზავნა, რომელსაც ვადა ექნება 3 საათი და მისი გაგზავნა შესაძლებელი იქნება დღეში მხოლოდ ერთხელ. ასევე, ვიზიტის დანიშვნის შემდეგ, კონკრეტული მაღაზიიდან უნდა მოგივიდეთ დამადასტურებელი SMS.
სამუშაო საათები (სურვილისამებრ) იქნება 07:00 საათიდან 20:30 საათამდე, შაბათს 07:00 საათიდან 18:00 საათამდე.
სავაჭრო ცენტრების პერსონალი ვალდებულია ჩაიტაროს თვით-ტესტირება ყოველ კვირას.
შეგახსენებთ, რომ მაღაზიები ღია იქნება ამ კვირასაც, 25 აპრილს.
24 აპრილს ასევე იხსნება ესთეტიკური ცენტრები, რომელთა თანამშრომლებსაც თვით-ტესტირების ჩატარება კვირაში ორჯერ მოუწევთ.
