“გუშინ რუსეთის მიერ დონეცკისა და ლუგანსკის დამოუკიდებელ რესპუბლიკებად ცნობა საერთაშორისო სამართლის უხეში დარღვევაა. რუსეთი არღვევს მინსკის შეთანხმებებს და არღვევს უკრაინის ტერიტორიულ მთლიანობას.
საბერძნეთი, თავისი ფუნდამენტური პრინციპებით, პატივს სცემს ყველა სახელმწიფოს ტერიტორიულ მთლიანობას, სუვერენიტეტსა და დამოუკიდებლობას. მაშასადამე, როგორც ევროკავშირისა და ნატოს წევრი ქვეყანა, ცალსახად გმობს ქმედებებს, რომლებიც ეწინააღმდეგება ამ ღირებულებებს, რუსეთის მოქმედებები არ შეიძლება მისაღები გახდეს.
ჩვენს ქვეყანას აქვს შეშფოთების დამატებითი მიზეზი და ეს უკრაინაში ბერძენი ხალხის დაცვაა. ასევე მარიოპულის საზოგადოების უსაფრთხოების უზრუნველყოფა, რომელიც რეგიონში უკვე 2.000 წელია არსებობს და ამისთვის ვმუშაობთ.
მსოფლიოს აქვს შესაძლებლობა, წინააღმდეგობა გაუწიოს იარაღის ძალას. 21-ე საუკუნის კულტურამ არ უნდა დაუშვას, რომ მსოფლიო ძველი დროის ძალადობრივი და ტრანსნაციონალური დავების პირობებში დაბრუნდეს, როდესაც გადაწყვეტილებები შეიარაღებაზე დაყრდნობით იღებოდა,” განაცხადა კირიაკოს მიცოტაკიმ ბულგარეთის მინისტრთა დელეგაციასთან შეხვედრაზე.
