გთავაზობთ დეტალურ ინფორმაციას, თუ რამდენი ადამიანია ინფიცირებული საბერძნეთში ამ დროისთვის კორონავირუსით, სად არიან მოთავსებულები და რა ასაკის არიან ისინი.
ოფიციალური სტატისტიკით კორონავირუსით საბერძნეთში 190 ადამიანია დაავადებული. აქედან 11-ის დაინფიცირების გზა უცნობია, 9 კი ატიკის რეგიონში იმყოფება.
საერთო ჯამში საავადმყოფოებში მოთავსებულია 47 ადამიანი, რომელთაგან 5-ის მდგომარეობა მძიმეა.
დაავადებულებიდან 47 არის 65 წელს ზემოთ, ხოლო 79 ინფიცირებული 40-დან 44 წლამდეა. ასევე კორონავირუსი დაუდგინდა 7 ბავშვს, რომელთა ასაკიც 0-დან 17 წლამდეა.
გეოგრაფიულად ინფიცირებულების რაოდენობა შემდეგნაირად ნაწილდება:
ათენი – 85
ილია – 40
ახაია – 9
თესალონიკი- 6
აღმოსავლეთ ატიკა – 5
ზაკინთოსი – 4
კასტორია – 3.
ბოლო 48 საათში საბერძნეთში კორონავირუსზე 1.000 ტესტი ჩატარდა.
