გაქცეულ პატიმრებს მძინარე მდგომარეობაში მიაგნეს – სად იმალებოდნენ მკვლელობაში ბრალდებული პაკისტანელი და ალბანელი?

ბერძნული მედიის ინფორმაციით, ხანიის პოლიციის განყოფილებიდან გაქცეული პატიმრებიდან დანარჩენი ორიც დააკავეს.

ირკვევა, რომ 35 წლის პაკისტანელსა და 34 წლის ალბანელს მაშინ მიაგნეს, როდესაც ერთ-ერთი სახლის ავტოფარეხში ეძინათ. აღნიშნული სახლი ამჟამად არ არის დასახლებული.

ორივე ბრალდებული, რომელთაც სამუდამო პატიმრობა აქვთ მისჯილი, დღეს შუადღეს გადაიყვანეს პროკურატურაში.