ბერძნული მედიის ინფორმაციით, ათენის ერთ-ერთ უბანში, გუდიში, 92 წლის ქალი გარდაცვლილი იპოვეს. პოლიციამ საქმე მაშინვე აღძრა განზრახ მკვლელობის მუხლით, თუმცა, საბოლოოდ დაუჯერებელ შედეგებამდე მივიდა. მოხუცის მკვლელობის ბრალდებით მისი 59 წლის შვილია დაპატიმრებული.
ქალმა თავად აღიარა დედის მკვლელობა და გარკვევით აცხადებს, რომ მოხუცს საშინელი ტკივილები ჰქონდა და ამ ყველაფერს ვეღარ უძლებდა. სწორედ ამიტომ გადაწყვიტა, რომ მოეკლა და მისი ტანჯვა დაესრულებინა.
“იმ დღეს ძალიან ვიყავი განერვიულებული. დავარტყი, შემდეგ საბანში გავახვიე და გზაზე დავტოვე,” ამბობს ის.
92 წლის ქალს დაზიანებები აქვს მიყენებული, თუმცა, გარდაცვალების ზუსტ მიზეზებს ექსპერტიზის ჩატარების შედეგად დაადგენენ.
