აგვისტოს ბოლოს ან სექტემბრის დასაწყისში ვაქცინის მე-3 დოზა საბერძნეთში
პირველადი ჯანდაცვის გენერალურმა მდივანმა, მარიოს თემისტოკლეუმ საჯარო გამოსვლისას საბერძნეთში ვაქცინის მე-3 დოზასთან დაკავშირებით ისაუბრა.
მისი თქმით, თუკი ექსპერტთა კომიტეტი “მწვანე შუქს” აანთებს, ამ შემთხვევაში მოსახლეობის ნაწილისთვის ვაქცინის მე-3 დოზით აცრა მოხდება აგვისტოს ბოლო რიცხვებში, ან სექტემბრის დასაწყისში.
მე-3 დოზის განსაზღვრა მოხდება სამ კრიტერიუმზე დაყრდნობით:
- ასაკი
- იმუნოდეფიციტის შემთხვევაში
- დროიდან გამომდინარე, თუ როდის მოხდა პირველი და მეორე დოზით აცრა.
“ნებისმიერ შემთხვევაში ჩვენ მზად ვართ, რომ გავაკეთოთ ვაქცინების მე-3 დოზა. ოპერაცია “თავისუფლება” ორგანიზებულად ხორციელდება, თუმცა, ცხადია, საბოლოო გადაწყვეტილებებისთვის ველოდებით ექსპერტთა საბჭოსგან დასკვნებს და დასტურს,” აცხადებს მდივანი.
მან ასევე გამოთქვა იმედი, რომ 15 აგვისტოს შემდეგ ვაქცინაციისთვის დანიშნული ვიზიტების რაოდენობა საგრძნობლად გაიზრდება.