12 წლის გოგონაზე ძალადობის საქმის მასალებიდან ირკვევა, რომ ცნობილი დერმატოლოგი, 65 წლის მამაკაცი, 5 შვილის მამაა და ორჯერ იყო დაქორწინებული. ის ერთ-ერთია 5 დაკავებულს შორის, რომელთაც 12 წლის გოგონასთან ინტიმური კავშირი ჰქონდათ, თანხის გადახდის სანაცვლოდ.
როგორც ცნობილი გახდა, მამაკაცი ბავშვთან შესახვედრად ვიზიტებს ნიშნავდა თავის პირად კაბინეტში და ამაში 50 ევროს იხდიდა. 12 წლის გოგონას ჩვენების მიხედვით, ის ნამდვილად მიდიოდა მის კაბინეტში და ძალადობა განხორციელდა მინიმუმ 2-ჯერ. ბავშვი ადასტურებს ხუთივე დაკავებულის ბრალეულობას, რადგან მის მიერ მიცემული ჩვენებიდან აშკარაა, რომ ამოიცნო თითოეული მათგანი და ისაუბრა ისეთ დეტალებზე, რომლებიც მათი უდანაშაულობის შემთხვევაში არ ეცოდინებოდა.
თავად 65 წლის დერმატოლოგი კატეგორიულად ეწინააღმდეგება ბრალდებებს და ამბობს, რომ ბავშვი თავის ძმასთან ერთად იმყოფებოდა მის კაბინეტში, ხოლო იმ პერიოდში, როდესაც გაუპატიურებების ფაქტებზე ედავებიან, აცხადებს, რომ საზღვარგარეთ იმყოფებოდა.
