ვიდეოს თავად პოლიციის ოფიცერი ავრცელებს და მოუწოდებს მძღოლებს, აუცილებლად ატარონ დამცავი შლემი და დაიცვან უსაფრთხოების წესები. კადრები ნამდვილად შემზარავია და აჩვენებს, თუ როგორ ეჯახება მანქანა პოლიციელის მოტოციკლს და მას 10 მეტრზე ისვრის. ავარიის დროს ოფიცერი მძიმედ დაშავდა.
ამ შემთხვევაში ინციდენტში მანქანის მძღოლის ბრალეულობა იკვეთება, რადგან საპირისპირო მხარეს მოძრაობდა და შედეგად მოტოციკლს დაეჯახა.
ზოგადად, როგორც საგზაო პოლიციის მონაცემები აჩვენებს, საბერძნეთში 10-დან 7 მძღოლი მოძრაობის წესებს არღვევს, ხოლო მხოლოდ გასული 1 კვირის მანძილზე 1.447 ჯარიმა გამოიწერა, რადგან მძღოლები შლემებს არ ატარებდნენ.
