ექსპერტების მკაცრი რეკომენდაციით, შობა-ახალი წლის პერიოდი საბერძნეთში მაქსიმუმ 9 ადამიანის გარემოცვაში უნდა აღინიშნოს და მაქსიმუმ უნდა შეიკრიბოს ორი ოჯახი ერთად, თუმცა, ზოგიერთი პროფესორის თქმით, საუკეთესო ვარიანტია, თუ შობასა და 2021 წელს შევხვდებით იმ ადამიანებთან ერთად, რომლებთან ერთადაც სახლში ვცხოვრობთ.
სამთავრობო გაზეთის ცნობით, გაიხსნება ეკლესიებიც და მსახურების აღსრულება დაშვებული იქნება მხოლოდ 25 დეკემბერს, 1 იანვარს და 6 იანვარს.
აუცილებელია, რომ დაცული იყოს დისტანცია, 15 კვადრატულ მეტრზე დაიშვება 1 მორწმუნე, ხოლო ტაძარში უნდა იმყოფებოდეს 25 ადამიანი, შედარებით დიდი ზომის ტაძარში 50 ადამიანი.
გადაადგილების აკრძალვა ძალაში რჩება თითოეულ დღესასწაულზე და განისაზღვრება ღამის 22:00 საათიდან დილის 05:00 საათამდე.
