კისოს – ეს პილიოს სოფელია, რომელიც წელიწადის სხვადასხვა დროს ერთმანეთზე უკეთესია. ერთი რამ უდავოა, აქ სიშვიდისა და დასვენებისთვის ნამდვილი სამოთხეა.
შეიძლება ეს სოფელი ტურისტული თვალსაზრისით არც ისე პოპულარულია, მაგრამ სწორედ ამაშია მისი ხიბლი. კისოში მოხვედრისას ხმაურიან სამყაროს მოსწყდებით და წაბლითა და სუროთი გარშემორტყმულ ადგილას აღმოჩნდებით.
მთის ტრადიციულ სოფელში მდებარეობს აგია მარინას ეკლესია, რომელიც ქვით, ბიზანტიურ სტილშია ნაშენები და მე-17 საუკუნით თარიღდება. ვინც პილიოში ჩადის, ტაძარს იქაურობის სამკაულს უწოდებს.
არსებული ცნობებით, აგია მარინას ეკლესია 1650 წელს აშენდა და ფუნქციონირებდა როგორც საიდუმლო სკოლა.
