ეგეოსის ავიახაზების კიდევ ერთმა პილოტმა გამოავლინა უდიდესი პროფესიონალიზმი და ხომალდი დიდი სირთულეების მიუხედავად, ხმელეთზე დასვა, თუმცა, არა დანიშნულების ადგილას.
გავრცელებული ინფორმაციით, რეისი ათენი-როდოსი ვერ შესრულდა. პილოტმა ზუსტად სამჯერ სცადა, რომ მშვიდობიანად დაშვებულიყო “დიაგორას” აეროპორტში, თუმცა, სამივე ცდა უშედეგოდ დასრულდა.
საბოლოოდ თვითმფრინავმა კვლავ ათენისკენ აიღო გეზი და აეროპორტისგან დაშვების უფლება ითხოვა.
ათეულობით მგზავრმა რთული წუთები გამოიარა, ვიდრე მათ აცნობებდნენ, რომ უკან ბრუნდებოდნენ და ყველაფერი მშვიდობით დასრულდებოდა.
