დღეს, 21 ოქტომბერს, მნიშნელოვანი დღეა. ამ წუთებში მიმდინარეობს სასამართლო პროცესი, რომელზეც კიდევ ერთხელ წარსდგა ეფი კაკარანძულა და მოსალოდნელია, რომ მისი სასჯელის შესახებ გახდეს ცნობილი, თუ, რა თქმა უნდა, კიდევ ერთი პროცესი არ დაიგეგმა.
კრიტიკული საკითხია, თუ რომელი მუხლით შეეფარდება კაკარანძულას სასჯელი, იქნება ეს სხეულის განზრახ დაზიანების ბრალდება, თუ მკვლელობის მცდელობა. პირველ შემთხვევაში პატიმრობა მაქსიმუმ 10 წელი შეიძლება იყოს, ხოლო თუ მას მკვლელობის მცდელობა დაუმტკიცდება, მაქსიმალური სასჯელი 15 წელს უდრის.
მჟავის იმ რაოდენობას, რაც ბრალდებულმა იოანას შეასხა, თავისუფლად შეუძლია მოკლას ადამიანი, სწორედ ამის გამოა, რომ მისი ადვოკატები ბრალდების დამძიმებას და შესაბამის სასჯელს ითხოვენ. ექიმების ჩვენებებიც ადასტურებს, რომ იოანა, ფაქტობრივად, სასწაულით გადარჩა.
