ომონიაზე პოლიციასა და უცხოელებს შორის დაპირისპირება მიმდინარეობს. კერძოდ, თავს დაესხნენ პოლიციის განყოფილებას, სადაც 8 თებერვალს, ნიგერიელი მამაკაცი, ემბუკა მამასუბეკი, გაურკვეველ ვითარებაში გარდაიცვალა. პოლიცია იძულებული გახდა მათ წინააღმდეგ ცრემლსადენი გაზი გამოეყენებინა.
ნიგერიელები მათ მხარდამჭერებთან ერთად სამართალს და კითხვებზე პასუხს ითხოვენ. რა მიზეზით შეიძლებოდა გარდაცვლილიყო ახალგაზრდა კაცი, რომელიც პოლიციაში მხოლოდ საკუთარი საბუთების შესამოწმებლად მივიდა. მის ცოლს კი ამ ამბავს უმალავდნენ.
თავის მხრივ, ოფიცრებმა მოგვიანებით განაცხადეს, რომ ემბუკა ფილტვების შეშუპებით დაიღუპა.
