ტელეკომპანია SKAI-ს ინფორმაციით, ლარისაში, კერძოდ, აბელონაში გამართული ქორწილი ოთხი ადამიანისთვის, შეიძლება ითქვას, საბედისწერო აღმოჩნდა.
როგორც ირკვევა, სამი სტუმარი კორონავირუსით დაინფიცირდა და მდგომარეობის გართულების გამო, ისინი ახლა რეანიმაციაში, მართვით სუნთქვაზე არიან გადაყვანილი, ხოლო კიდევ ერთი ქალბატონი კონტაქტში შევიდა ქორწილში დაინფიცირებულ ერთ-ერთ სტუმართან, მისი ჯანმრთელობა მალევე გაუარესდა და ახლა ისიც სიკვდილს ებრძვის. ეს ქალბატონი 81 წლის არის.
საერთო ჯამში ამ ქორწილში მყოფი სტუმრებიდან კორონავირუსი 7-ს დაუდგინდა.
