კუნძულ კინაროზე უკვე სამი დღეა, რაც ხანში შესულ ქალბატონს ეძებენ.
გავრცელებული ინფორმაციით, ქალი, რომელიც კუნძულის ერთადერთი მაცხოვრებელია, უკვე სამი დღეა გაუჩინარებულია და მისი კვალიც არ ჩანს.
მიმდინარეობს სამუშაოები მისი ადგილსამყოფელის დასადგენად, დღეს კი კუნძულზე ჩაფრინდება ვერტმფრენი, Super Puma-ც, რომელიც მაშველებს დაეხმარება.
აღსანიშნავია, რომ თავდაცვის მინისტრი, ალკივიადის სტეფანისი კუნძულზე 28 დეკემბერს იმყოფებოდა, რათა კინაროს ერთადერთი მოსახლე ქალბატონისთვის დამდეგი ახალი წელი მიელოცა.
