ცნობილი კალათბურთელი, იანის ადეტოკუნბო ორი ბიჭუნას შემდეგ, მესამე შვილის მამა გახდა – მსოფლიო ვარსკვლავს ამჯერად გოგონა შეეძინა და მათ სიხარულს საზღვარი არ აქვს, რადგან როგორც ირკვევა, ოჯახში თითქმის ყველას უნდოდა, მესამე ბავშვი გოგონა ყოფილიყო.
იანიმ გაავრცელა ფოტო, თუ როგორ დგანან მისი ბიჭები საბავშვო კალათთან, შიგნით კი, მათი პატარა დაიკო წევს. თავად იანის მეორე ნახევარი, მარია ამბობდა, რომ მისთვის არანაირი მნიშვნელობა არ აქვს ბავშვის სქესს, მთავარია ჯანმრთელი და ბედნიერი იყოს, ვინაიდან თავად ორი და ჰყავს.
