ბერძნული მედიის ინფორმაციით, ათენის საერთაშორისო აეროპორტსა და 6 საავადმყოფოში განგაში გამოცხადდა მას შემდეგ, რაც გაიგზავნა შეტყობინება, რომ თითოეულ მათგანში ბომბი იყო.
კერძოდ, ათენის აეროპორტის გარდა, საუბარია შემდეგ საავადმყოფოებზე: ევანგელისმოს, ძანიო, პამაკარისტოს, ერიკოს დინან, ბავშვთა საავადმყოფო და ასევე, გენიმატას სახელობის საავადმყოფო.
გავრცელებული ცნობებით, შეტყობინება ელექტრონული იყო და გაიგზავნა კონკრეტული პირის მიერ, რომელიც იმუქრებოდა შემდეგი ფრაზებით: “ყველაფერს ავაფეთქებთ”, “სისხლი დაიღვრება”. ანუ შეიცავდა ისლამური ექსტრემიზმის ნიშნებს.
ჩატარებული შემოწმებების შედეგად დადგინდა, რომ ელექტრონული შეტყობინება სიცრუე იყო და არსად არსებობდა ბომბი. პროკურატურა ამ დროისთვის შეტყობინების გამგზავნის იდენტიფიცირებას ცდილობს.
