მას შემდეგ, რაც კირიაკოს მიცოტაკიმ ეკონომიკის გადარჩენისთვის შემუშავებული გეგმა საზოგადოებას წარუდგინა, პირად გვერდზე ატვირთა ვიდეო, სადაც იკითხება ძირითადი მიმართულებები, თუ როგორ ცდილობს მთავრობა ქვეყანა პანდემიის გამოწვეული კრიზისიდან გამოიყვანოს.
“როგორც მოვიგეთ ბრძოლა ჯანმრთელობისთვის, ასევე მოვიგებთ ბრძოლას ეკონომიკისთვის.”
საუბარია დღგ-ს 13%-მდე შემცირებაზე, პროგრამაზე ΣΥΝ-ΕΡΓΑΣΙΑ (თანა-მშრომლობა), რომელიც ბიზნესის მფლობელებსა და თანამშრომლებზეა გათვლილი და ტურიზმის ამუშავებაზე.
როგორც უკვე ცნობილია, ფრენები იწყება 15 ივნისიდან 19 ქვეყანასთან, ხოლო 1 ივნისიდან საბერძნეთი საზღვრებს ყველა ქვეყნისთვის ხსნის.
