როგორც უკვე ცნობილია, ჰოლივუდის ლეგენდა, ანჯელინა ჯოლი, მარია კალასის როლს თამაშობს ფილმში, რომლის გადაღებებიც ახლა მიმდინარეობს. დიდებული სოპრანოს შესახებ ბიოგრაფიულ ფილმს სხვადასხვა ქვეყნებში იღებენ, საბერძნეთში კი, ამ პროცესისთვის პირგოსი, კერძოდ, ილიას ტერიტორია შეირჩა.
ვრცელდება საინტერესო კადრები გადაღებებიდან, რომლებშიც ნათლად ჩანს ჯოლის ბერძენ სოპრანოდ გარდაქმნა – ის ნებისმიერ ამპლუაში შთამბეჭდავად გამოიყურება.
როგორც ირკვევა, ცნობილ მსახიობთან ერთად საბერძნეთში იმყოფებიან მისი შვილები, პაქსი და მადოქსი.
