გავრცელებული ინფორმაციით, თესალონიკის ავტობუსის მძღოლი სამუშაო საათებში, ავტობუსის მართვის დროს გარდაიცვალა.
47 წლის მამაკაცმა, რომელიც სამი შვილის მამა იყო, მუშაობისას თავი შეუძლოდ იგრძნო და მიხვდა, რომ მგზავრების სიცოცხლეს საფრთხეს შეუქმნიდა. მან მაშინვე გააჩერა და რამდენიმე წუთში გარდაიცვალა.
როდესაც მგზავრები მიხვდნენ, რომ რაღაც ხდებოდა, სასწრაფო დახმარება გამოიძახეს, თუმცა, მამაკაცის გადარჩენა ვერ მოხერხდა.
პაპაგეორგიუს საავადმყოფოში მიყვანისას ექიმებმა მისი სიკვდილი დაადასტურეს.
შემთხვევა დაახლოებით 06:40 საათზე, გასულ ხუთშაბათს მოხდა.
