მეტეოროლოგ საკის არნაუტოღლუს ინფორმაციით, ხვალიდან საბერძნეთში ტემპერატურა კიდევ უფრო ეცემა და რამდენიმე კვირის მანძილზე ძლიერ სიცივესთან გამკლავება მოგვიწევს.
იქროლებს ჩრდილოეთის ქარი, რომელიც მინიმუმ 10 დღე აქტიური იქნება და მისი ძალა 7 ბალს მიაღწევს აღმოსავლეთ საბერძნეთში.
ხვალ მთელი ქვეყნის მასშტაბით, გარდა დასავლეთისა, მოსალოდნელია მოღრუბლულობა და ზღვის დონიდან 900-1.000 მეტრზე, ევიასა და პილიოს ტერიტორიებზე ითოვებს. ხოლო თესალონიკსა და ხალკიდიკიში ითოვებს ზღვის დონიდან 400-600 მეტრზეც კი.
არნაუტოღლუს პროგნოზის მიხედვით, 23-24 დეკემბრამდე ბალკანეთსა და აღმოსავლეთ ევროპაში მოსალოდნელია კიდევ უფრო ცივი ჰაერის მასების შემოჭრა, რასაც დიდი ალბათობით თან ახლდება თოვა და არსებობს შანსი, რომ შობას სწორედ თოვლით შევხვდეთ.
