კუნძულ იდრადან გავრცელებულ კადრებს საზოგადოებისგან დიდი გამოხმაურება მოჰყვა. როგორც ცნობილია, აღნიშნულ კუნძულზე მანქანები არ გადაადგილდებიან, შესაბამისად, შინაურ ცხოველებს განსაკუთრებული დატვირთვის გაძლება უწევთ, თუმცა, ეს პირდაპირი გაგებით.
სანტორინის შემდეგ, სადაც ვირები ტურისტებს დაატარებენ მათი სიამოვნებისთვის, იდრაზე როგორც ჩანს, მათ კიდევ უფრო მძიმე ხვედრი აქვთ და მაცივრებს და უკიდურესად დიდი ზომის ნივთები გადააქვთ, რომელთა გადატანა ადამიანისთვის შეუძლებელია.
ცხადია, ეს ყველაფერი ზაფხულში ხდება, როცა ტემპერატურა უკიდურესად მაღალია და სულ რამდენიმე დღის წინ გვალვის ძლიერი ტალღაც გვქონდა.
