დღეს ათენის მოსახლეობას ისტორიული მოედანი დასრულებული სახით “გადაეცა”! ეს ნიშნავს, რომ ომონიის შთამბეჭდავი ახალი სახე უკვე ყველას შეუძლია ნახოს.
ომონიის განახლების სამუშაოები კერძო კომპანიებმა დააფინანსეს და 30 მეტრი დიამეტრის შადრევანი აღდგა, რომელიც მოედანს ისტორიულ წარსულთან აკავშირებს.
როგორც ცნობილი გახდა, სამუშაოები დიდი ხნის წინ დასრულდა, თუმცა, კარანტინის პირობების გამო გახსნა ვერ ხერხდებოდა.
დღეს დილიდან მოედნიდან მოიხსნა დამცავი აღჭურვილობა და დასუფთავების სამსახურის თანამშრომლებმა იქაურობა კარგად დაასუფთავეს. როგორც ირკვევა, შადრევანი განათდება კიდეც.
