როგორც ბერძნული მედია იუწყება, მხოლოდ დღეების ამბავია, რომ მოსახლეობამ პირეამდე მეტროთი სარგებლობა შეძლოს. სექტემბრის თვის ბოლოსთვის სამშენებლო სამუშაოები მთლიანად დასრულდება და ახალი სამი სადგურის განთავსებით მეტრო პირეამდე გაფართოვდება, რაც დამატებითი შესაძლებლობების მომტანი იქნება ათენელებისთვის, გადაადგილების თვალსაზრისით.
საუბარია შემდეგ სამ სადგურზე: “მანიატიკა”, “პირეა”, “დიმოტიკო თეატრო”. არსებული გათვლებით, მეტრო ყოველდღიურად დამატებით 132.000 მგზავრის მომსახურებას შეძლებს. პირეას პორტიდან აეროპორტამდე მისვლა მეტროს საშუალებით 55 წუთში იქნება შესაძლებელი.
