“ჩემი ცოლი ჯანმრთელი ქალი იყო, თუ ვაქცინისგან მოკვდა, დაე, იყოს ასე, მაგრამ შეაჩეროს მთავრობამ” – 44 წლის ქალის მეუღლე მძიმე ფსიქოლოგიურ მდგომარეობაშია
საზოგადოების შეშფოთება გამოიწვია 44 წლის ქალბატონის გარდაცვალებამ, რომელიც ვაქცინის გაკეთებიდან რამდენიმე საათში ინფარქტით დაიღუპა. აღნიშნული დასკვნა სასამართლო ექსპერტიზის შედეგად დაიდო.
“მთელ ნუგეშს ჩემი შვილებისთვის ვპოულობ. ნეკროფსიამ აჩვენა, რომ სიკვდილი ინფარქტმა გამოიწვია, თუმცა, საქმე ის არის, რამ გამოიწვია თავად ეს ინფარქტი.
ძალიან ჯანმრთელი ქალი იყო, ვერ ვხვდები, რატომ ამბობენ, რომ ისტორიაში აქვს ინფარქტის მიღების სხვა ფაქტიც, რადგან ასეთი არაფერი არსებობს. ამბობენ, რომ 13 აპრილს ოპერაცია გაიკეთა, რადგან ინფარქტი მიიღო. ასეთი რამ რომ გამოევლო, ვაქცინის გასაკეთებლად მივიდოდა?! მითხარით? წახვალთ AstraZeneca-ს გასაკეთებლად, როცა ასეთი პრობლემები გაქვთ?!
მხოლოდ ის მინდა, რომ შედეგები გამოვიდეს და ხალხმა სიმართლე იცოდეს, რომ ფრთხილად იყოს. მინდა ხალხი დავიცვა, მეც უნდა გამეკეთებინა ვაქცინა, მაგრამ გადავიფიქრე. არ ვიცი, რა ხდება. იმედი მაქვს, რომ ვაქცინისგან არ მომკვდარა, მაგრამ თუ ვაქცინისგან წავიდა, დაე, იყოს ასე, უბრალოდ, მთავრობამ უნდა შეაჩეროს ეს ყველაფერი,” ამბობს მამაკაცი.
