26 და 28 წლის მამაკაცები 73 წლის ბერძენი ქალის მკვლელობას აღიარებენ. როგორც მათ ჩვენებაში თქვეს, მოხუცს ბაზრიდან აედევნნენ, სადაც საყიდლებზე იმყოფებოდა და დაინახეს, რომ ოქროს ყელსაბამი ეკეთა.
შემთხვევა 7 დეკემბერს მოხდა. მათ ქალს სახლამდე გაჰყვნენ, შემდეგ კი ყელსაბამის წართმევა დაუპირეს, თუმცა, ვერ შეძლეს, რის შემდეგაც მანქანით რამდენჯერმე გადაუარეს ზედ და ადგილზე მოკლეს.
ამჟამინდელი ინფორმაციით, ისინი პატიებას ითხოვენ მოკლულის ოჯახისგან:
“ბოდიშს ვუხდით ოჯახს და ყველა ბერძენს” – ამბობენ ისინი.
აღმოჩნდა, რომ 26 წლის მამაკაცს აქამდეც ჰქონდა კანონდარღვევები, მას ბრალად ედება ძარცვის სხვა მცდელობებიც, ასევე იარაღის უკანონო შენახვა-ტარება.
“ასე იმიტომ მოვიქეცით, რომ ქალის რეაქციამ შეგვაშინა. ის ყვიროდა და წინააღმდეგობას გვიწევდა, მისი ქმარ-შვილი კი გარეთ გამოვიდა და შემდეგ დავეჯახეთ, რადგან სწრაფად გაქცევა გვინდოდა,” ამბობს ერთ-ერთი ჩვენებაში.
